Сыбайлас жемқорлыққа қарсы сана мен мәдениетті қалыптастыру барысында атқарылып жатқан жұмыстар 28.03.2019 Сыбайлас жемқорлықпен ең мықты күрес-бұл жариялылық. Н.Ә.Назарбаев Жемқорлықты жеңу Қазақстан үшін Елбасы Н.Ә. Назарбаев нақты белгілеген мемлекеттік саясаттың негізгі бағыттарының бірі болып табылады. Сол себепті Президент өзінің «қазақстан -2050» стратегиясында сыбайлас жемқорлықты мемлекеттің тиімділігіне деген сенімді сетінететін ұлттық қауіпсіздікке төнген тікелей қатер ретінде атап көрсетті. Осы орайда, бүгінгі күні Академияда ғылыми-педагогикалық магистратурасының 1 курс магистранттарымен «Құқық қорғау қызметінің өзекті мәселелері» пәнінен «Сыбайлас жемқорлыққа қарсы сана-сезім мен сыбайлас сыбайлас жемқорлыққа қарсы мәдениет» тақырыбы бойынша Академия Психологиялық жұмыс орталығының аға инспекторы полиция майоры Досмаилова Айжан Балтабайқызымен бірігіп тренинг өткізілді. Тренинг мақсаты: магистранттардың сыбайлас жемқорлыққа карсы сана мен мәдениетін қалыптастыру және сыбайлас жемқорлыққа теріс көз-қарасын қалыптастыру. Тренинг барысында келесі психологиялық әдістер қолданылды: «Менің шынайы келбетім» жалғандық шкаласы; «Түтікшемен арт терапия» жағымды және жағымсыз эмоцияны сыртқа шығару; Менің бұл өмірдегі құндылықтарым Арлы және арсыз қызметкер тақырыбындағы сурет сайысы. Жоғарыда аталған әдістері қолдану барысында магистранттардың сыбайлас жемқорлыққа қарсы нақты көз-қарастар мен ойлары қалыптастырылды. Тренинг соңында магистранттар сабақ барысында алған әсерлерімен бөлісіп, алдағы уақытта сыбайлас жемқорлықпен күреске өз үлестерін қосатындықтарын атап өтті. Қылмыстық, қылмыстық-атқару және криминология кафедрасы бастығының орынбасары полиция подполковнигі Гульмира Кажикова