Курсанттардың қысқы маусымы ашылды

2016 жылдың 26-27 қарашасында Қазақстан Республикасы Ішкі істер министрлігінің Шырақбек Қабылбаев атындағы Қостанай академиясының жеңіл атлетика бойынша құрама командасы Қазақстан Республикасы тәуелсіздігінің 25 жылдығына арналған Лисаковск қаласының чемпионатына  қатысты. Осы сайыстарда 200 — ден астам спортшылар қатысты. 300 метр қашықтықта 39,5 секунд нәтижесімен 4 курс курсанты Холов Акмалджон чемпион атанды. Қыздардың арасында 1000 метр қашықтықта 1 курс курсанты Чуминова Ольга бірінші болып келді. Ең ұзын 2000 метр қашықтықта күміс медаліне 1 курс курсанты Куттыбаев Мадияр ие болды. Оқу орындарының арасында жалпы командалық есепте ҚМПИ және Челябі мемлекеттік университетінің күшті командаларын басып алып, біздің оқу орнының құрама командасы турнирдің жеңімпазы болды.

ЖжДД кафедрасының аға оқытушысы

полиция майоры  М. Кенжекиев