Академияда халықаралық ғылыми-тәжірибиелік конференция басталды 23.09.2016 2016 жылғы 23 қыркүйекте Қазақстан Республикасы Ішкі істер министрлігінің Шырақбек Қабылбаев атындағы Қостанай академиясында Қазақстан Республикасы Тәуелсіздігінің 25 жылдығына және оқу орнының 45 жылдығына арналған «Қазақстан Республикасының Тәуелсіздігіне 25 жыл: нәтижесі және келешегі» атты халықаралық ғылыми-тәжірибелік конференциясы басталды. Конференцияға шетелдің жоғары оқу орындарынан (Түркия ұлттық полиция академиясы), Ресей ЖОФҚ және ІІМ жоғары оқу орындарынан: ҒЗИ, Ресей ЖОФҚ Академиясы, Вологда құқық және экономика институты, Воронеж институты, Самара заң институты, Киров қызметкерлерінің біліктілігін арттыру институты, Ресей ІІМ Москва университеті, К.Г. Разумовский атындағы технология және басқарма Мәскеу мемлекеттік университеті, Ресей Федерациясы Президентінің жанындағы ұлттық шаруашылығы және мемлекеттік қызмет Академиясы, Ресей Федерациясы Үкіметі жанындағы Қаржы университеті (Москва қ.), Ресей мемлекеттік әлеуметтік университетінің Минск филиалы, Г.В. Плеханов атындағы Ресей экономикалық университеті, Уральск мемлекеттік заң университеті (Екатеринбург қ.), Челябі мемлекеттік педагогикалық университеті, Магнитогорск мемлекеттік техникалық университеті, Челябі мемлекеттік университеті, сонымен қатар соның ішінде қазақстандық жоғары оқу орындары мен ұйымдары – Б.Бейсенов атындағы ҚР ІІМ Қарағанды академия, М. Букенбаев атындағы ҚР ІІМ Ақтөбе заң институты, Астана қ., Қостанай қ. ҚР ІІМ оқу орталығы, «Туран» университеті, Қостанай облысының ТЖ департаменті, ҚР ІІМ ТЖК, А. Байтұрсынов атындағы Қостанай мемлекеттік университеті, Қостанай мемлекеттік педагогикалық институты, Қостанай филиалының Челябі мемлекеттік университетінен барлығы 110 ғылыми баяндамалар оқылып жатыр. Аталмыш конференцияның ашылу салтанатында ҚР ІІМ Ш. Қабылбаев атындағы Қостанай академиясының бастығы полиция полковнигі Мирлан Қызылов құттықтау сөз сөйлеп, барлық қатысушыларды оқу орнының құрылғанына 45 жылдық мерейтоймен құттықтап, ғылыми жұмыстарына сәттілік тіледі. Академия бастығының құттықтау сөзінен кейін конференцияға қатысушы қонақтар жүрек жарды лебіздерін білдірді. Конференцияға ұсынылған ғылыми баяндамалар конференцияның барлық секцияларында талқыланады. Конференция қорытындысы бойынша заңнама деңгейінде, ғылымда және құқық қорғау органдарының тәжірибелік қызметінде қолданылатын ұсыным қабылданады. Жалпы концернция туралы толықтай ақпаратты конференция біткен соң сайтмызда толықтай жариялайтын боламыз.