ОТАН — ОТБАСЫДАН БАСТАЛАДЫ 05.09.2018 2018 жылғы 7 қыркүйекте барлық қазақстандықтар Халықаралық Отбасы күні мерекесін қарсы алады. Отбасы — табиғат сыйлаған кереметтердің бірі. Жеке адамның бойындағы ар-ұятын, ақыл-ойын, адамгершілігін, мәдениеттілігін тәрбиелеуде отбасы — алғашқы қадам. Отбасы — өте қажетті, басқадай еш нәрсемен өзгертуге болмайтын баспалдақ. Мереке қарсаңында Қазақстан Республикасы Ішкі істер министрлігінің Шырақбек Қабылбаев атындағы Қостанай академиясында қызметкерлердің отбасыларының қатысуымен спорттық және шығармашылық іс-шаралар жоспарланған. Сонымен қатар, тәрбие жұмысы бөлімі қызметкерлерінің ұйымдастыруымен күндізгі оқыту факультетінің курсанттарына отбасылық құндылықтарын насихаттау мақсатында апта бойы отбасы туралы фильмдер көрсетіледі. Фильмдердің тематикалары: отбасыдағы қарым-қатынастар мәдениеті, үлкендерді сыйлау және ата-ана мен бала арасындағы қарым-қатынас. 2018 жылғы 04 қыркүйек күні күндізгі оқыту факультетінің 1 курс курсанттары «Отбасы» атты әлеуметтік фильмді тамашалады. Тамашаланған фильмнің тематикасы бақытты отбасы туралы және ата-ана арасындағы қарым-қатынастар. Фильмді көрген соң Академия курсанттары: Бақытты отбасы дегеніміз не екендігі жөнінде өздерінің жеке ойларын және отбасылық құндылықтар туралы көзқарастарының өзгергені жайында айтты. Тәрбие жұмысы бөлімінің инспекторы полиция аға лейтенанты Д. Альжанова