“«Білгірлер сайысы» — білімнің қайысы.” 26.03.2017 Наурыз айының 21 –і күні Қазақстан Республикасы Ішкі істер министрлігі Шырақбек Қабылбаев атындағы Қостанай академиясында 2 – курс курсанттарының ұйымдастыруымен «Білгірлер сайысы» өтті. Бұл сайысқа 201 – 203, 202 – 205, 204 – 208, 210 – шы оқу топтары қатысты. Сайыс 3 кезеңнен тұрды. 1 – кезең логикалық сұрақтардан құралып, қатысушыларға жеребе бойынша бірқатар сұрақтар қойылып жатты. Бұл кезеңде 5 ұпай жинаған «Жалын» және «Алтын орда» тобы топ жарды. 2 – кезең Биатлон деп аталып, жеребе бойынша « Алтын орда» бірінші бастады. Экранда көрсетілген ұйяшықтарды таңдап, ішіндегі сұрақтарға жауап берді. Бұл турда «Жалын» тобы 10 ұпаймен басым түсті. Келесі кезең топ капитандарының өзара сайысынан тұрды, яғни «ақыл жекпе – жегі». Бұл кезде топ капитандары әр түрлі мақал – мәтелдер, жаңылтпаш және әндер айтып жарысты. Сондай – ақ, қосымша киіз үй және қыз қуу суреті бейнеленген портіретті құрастыру болды. Бұл кезеңде қос топтың командирлері бірін – бірі жеңе алмады, тек қосымша мақал – мәтел сайысында «Жалын» тобының капитаны Мұхамметханов Бағнұр айқын жеңіске жетіп, «Жалын» тобын жеңіске жетелей білді. Ал екінші орынды «Алтын орда» тобы алса, 3 – ші орынды «Аристократтар» тобы місе тұтты. Осылайша «Білгірлер сайысы» өте тартысты әрі қызықты өтіп, әр командаға ұйымдастырушылар тарапынан сыйақылар тапсырылды. 2 курс курсанты полиция қатарындағы Тұрсынбай Думанжан