Сыйластыққа, мейірімге толы – жүрек! 02.03.2017 Қол алысып, қәне, біз, Алғыс айтайық бәріміз. Айтарым бар сендерге, Тез тұрыңдар шеңберге. Қандай жақсы бір тұру, Достарменен бір жүру! Қандай жақсы дос болу! Жақсы сөз айту, алғыс білдіру – әрбір адамның міндеті. Әрине, жылдың әр күні сыпайы болуға тырысуымыз керек. Алайда, көп жағдайда алғыс айтуды ұмытып, немесе оған ерекше көңіл бөлмейміз. Психолог ғалымдардың айтуынша алғыс сөздерінде бір сиқырлық бар — олар арқылы адамдар арасында жақсы қатынас орнатылып, адамның өзін-өзі бағалауы, сыйластық сезімдері оянады. Ең бастысы, алғысыңыз жүректен шығып, шын ниетпен айтылуы тиіс. Қазақстан халқында 1 наурыз алғыс айту күні болғандықтан, осы күні 208 оқу тобында «Мейірімді жүрек» тақырыбы бойынша тренинг жаттығуы өтті. Тренинг жаттығуы өту барысында курсантттар бір-біріне сыйластықтарын, жылы сезімдерін, алғыстарын білдірді. Тренинг жаттығуына курсанттар қызығушылық таныта отырып, өз үлестерін қосты. Жалпы айтқанда, тренинг жаттығуы ойдағыдай өтті. 208 оқу тобының кураторы полиция аға лейтенанты Н.Турсумбаева