Бірінші курс курсанттары ант қабылдады. 24.09.2016 2016 жылғы 24 қыркүйек күні Қазақстан Республикасы ІІМ Шырақбек Қабылбаев атындағы Қостанай академиясында 2016 жылғы оқуға қабылданған 1 курс курсанттарының ант қабылдау рәсіміне арналған салтанатты іс-шара өтті. Салтанатты іс-шараға ресейден келген қонақтар, ата-аналар және басқада қонақтар қатысты. Ашылу салтанатында құттықтау сөз алған Академия бастығы полиция полковнигі Мирлан Қызылов құттықтау сөзінде; Қымбатты қонақтар, ата – аналар, офицерлер мен курсанттар мырзалар! Бүгін біздің 1-курста оқитын курсанттарымыз үшін айрықша күн, себебі олар ресми түрде Ант бергелі түр. Ант қабылдау – бұл Қазақстан Республикасы Ішкі істер министрлігінің Шырақбек Қабылбаев атындағы Қостанай академиясына оқуға қабылданған курсанттың салтанатты рәсімі, ішкі істер органдары қызметіндегі маңызды қадамдардың бірі. Жас полиция қызметкерлері, ішкі істер органдарының беделіне кір келтірмей, алға қойған міндеттерді мінсіз орынтайтындарыңа сенім білдіремін. Мерекелеріңіз құтты болсын, — деді. Академия бастығынан кейін қонақтарда өздерінің жүрек жарды лебіздерін білдіріп, Академия қызметкерлерін мерейтоймен құттықтап, ант қабылдайтын курсанттарға ақжол тіледі. Ант қабылдау рәсімінен кейін академияның курсанттары спорттық және жауынгерлік көрнекі көріністерді халыққа паш етті. Салтанатты рәсім соңында, академия курсанттарынан құрылған хор Академияның «Шырақбек аға» әнұранын орындады. Барлық мерекелік шаралар біткен соң, Академия бастығы полиция полковнигі Мирлан Ахмедияұлы Қызылов спорт кешенінде ата-аналармен кездесті. Кездесу барысында ата-аналар Академия бастығына көкейлеріндегі сұрақтарын қойып, тұшымды жауап алып, Академия басшылығына алғыстарын білдірумен кездесуді аяқтады.