Қаламы қарымды қаламгер

Л.Н. Толстой атындағы облыстық әмбебап ғылыми кітапханасында 18 мамыр күні республикамызға танымал белгілі журналист, академик, публицист, жазушы, Әлем халықтары жазушылары одағының мүшесі Оразалы Жақсановтың 60 жылдығына арналған кездесу кеші өтті.

Осы мәдени шараны Шырақбек Қабылбаев атындағы Қостанай академиясынан КОФ «Құқық қорғау» мамандығында оқитын 102 топ курсанттары да тамашалады.

Кешке жазушы ағамыздың жора-жолдастары, ақын-жазушылар, суретшілер, қоғам қайраткерлері қатысып, өздерінің жүрекжарды лебіздерін, тілектерін білдірді. Ағамыздың бойындағы асыл қасиеттерінің бірі қарапайымдылығы екенін келген қонақтардың барлығы тілге тиек етті.

Бұл дегеніміз басынада дәні толық бидайдың сабағы ғана төмен салбырап тұратыны сияқты егер тәрбиесі, білімі, көргені көп, өзін ғана емес, өзгелердің де жағдайын ойлай білетін азаматтар ғана кеудесін кермей, кішіпейіл болып жүретіндігіне дәлел. Бұндай мәдени ағартушылық шаралардың курсанттар бойында махаббат сезімін оятып, мәдени тұрғыдан оянып,  жақсы сезім құшағына бойлауына әсер ететіні сөзсіз.

Осынау үлгі тұтар ағамыздың кешінің соңында көрмеге қойылған бірқатар танымал еңбектерімен танысып, естелік үшін суретке түстік.

102 оқу тобының кураторы

полиция аға лейтенанты

Ж.А.Сабырбеков