«Он тал кессең, бір тал ек» ұранымен жас көшеттер отырғызылды. 22.04.2016 2016 жылғы 22 сәуір күні ҚР ІІМ Ш. Қабылбаев атындағы Қостанай академияның бастығы полиция полковнигі Мирлан Ахмедияұлы Қызылов бастаған академияның тұрақты құрамы және қызметкерлері академия аумағына жаппай ағаш көшеттерін отырғызды. Сенбілікті қасиетті жұма күні бастаған Академия бастығы Мирлан Ахмедияұлы өз қолымен ағаш көшетін отырғызып, көпшілікке үлгі болды. Басқа да қызметкерлер өздеріне тиесілі ағаш көшеттерін отырғызып, жаппай сенбілік жасады. Міне, осылай жайма шуақ күні сенбілікке шыққан академиялықтар таза ауада демалып, «жұмыла көтерген жүк жеңіл» деп, ұйымшылдықпен үлкен істің басын қайырды. «Тазалық денсаулық кепілі» дегендей, академияның аумағы тағы да бір жас көшеттермен толығып, табиғат анаға әсем сұлу келбет бергендей. Академияның баспасөз хатшысы Мейрам Оспанов