АКАДЕМИЯ МАҚТАНЫШТАРЫ

Жақында ҚР ІІМ Ш. Қабылбаев атындағы Қостанай академиясының көңілділер мен тапқырлар клубының  «Полицейская академия»  құрама командасы Астана қаласында Ұлттық КВН лигасының  үшінші маусымашар ойынына қатысып, фестивальдік гала концертке өтті.

Фестивальға Қазақстанның барлық аймақтарынан 40-тан астам команда қатысты.

Фестивальдің бірінші күні қатысушы командалар тіркеленіп, іріктеу кезеңіне дайындалды. Қырық командалар арасында ең керемет деген он жеті команда анықталды, соның ішінде біздің құраманың курсанттары да  бар. Осы 17 команданың барлығы Телевизиялық түсірілімге қатысты.

Сахыналық өткір әзілдерімен көзге түсіп, редакторлардың сынынан сүрінбей өтіп, өте жақсы көрсеткіштерге ие болды.

Редакторлар мен көрермендердің көңілінен шыға білді.

Бас редактор Тимур Ерджановтың шешімімен, біздің команда 26 сәуір күні Ұлттық КВН лигасының ¼ ойынына шақырылды.

Әскери тәртіпті  қатаң сақтайтын курсанттар, қоғам алдында да өздерінің шебер әртістерден кем түспейтінін тағы да бір дәлелдеп келді. Бізде өз ордамыздың құрама командасына айтар алғысымыз зор, болашақта тағы да биік жеңіс тұғырынан көрініп, Академияның намысын қорғап, жеңіс туын желбірете берсін демекпіз.

Балым Құрманғалиева