Қырғыз халқының мәдениет күні

24 маусым күні 1- курс жеке құрамы «Мирас» мәдениет үйінде өткен «Қырғыз халқының мәдениет күніне» арналған мерекелік концертке қатысып келді. Шараның негізгі мақсаты: қырғыз бауырлас халқының мәдениет күніне арналған мерекені өз елімізде тойлай отырып, басқа халықтың ән-күй өнерімен танысу болып саналады.
Концертте қырғыз халқының біртуар еңбектерінің бірі «Манас» жыры оқылып, сол елден арнайы шақырылған қонақтар өз мемлекетінің рухани қазығын паш етті.
Негізгі шараның ұйымдастырушылары өзге елден келген бауырластарымызға алғыс хат пен сыйлықтарын табыстап, жылы лебіздерімен бөлісті.
Мерекелік шараны тамашалай отырып, өзге елдің мәдениетімен, әдебиетімен таныса білдік деп айтуға болады.

                                                                                                                                           1 курс курсанты
                                                                                                                                    полиция қатарындағы
                                                                                                                                    А. Бакбаева