Latyn álipbıi — bolashaqqa baǵdar

Aǵymdaǵy jyldyń aqpan aıynda
Lev Tolstoı atyndaǵy kitaphanada Elbasy N. Nazarbaevtyń «Bolashaqqa baǵdar: rýhanı jańǵyrý» maqalasy aıasynda, «Latyn álipbıi – bolashaǵymyzdyń bastaýy» atty dóńgelek ústel ótti.

Elbasynyń maqalasynda kóterilgen latyn álipbıine kóshý máselesi óte ózekti ári oryndy. Biz endigi kezekte osy maqsatqa jetý úshin ne isteý kerektigin oılanýymyz qajet. Sebebi, latyn jazýyna kóshemiz dep aıta salý ońaı, al ony júzege asyrý úshin úlken sharalardy qolǵa alýymyz qajet.

Búgingi sharanyń kún tártibine qoıylǵan eń ózekti máseleniń biri – qazaq tilin latyn álipbıine kóshirý.  Tarıhı tamyry tereń tuǵyrly tilimizdi túletip, sanamyzdy silkintken, zamannyń ózi talap etken bul bastama kópshiliktiń qyzý talqysyna tústi.

Árıne, búgingi tańda qoǵamda álipbıdi aýystyrýǵa baılanysty túrli pikirler aıtylýda. Bireýler latyn álipbıiniń ońtaıly tustaryn alǵa tartsa, endi basqalary bul iste asyǵystyq jasamaıyq dep saqtandyrady. Mundaı pikirlerdiń oryn alýy óte zańdy. Sonyń arqasynda kópshilik osy bir kúrdeli máselege oraı óziniń kózqarasyn qalyptastyrady. Alaıda bárimiz atsalsaq durys bolar edi.

Atalmysh sharaǵa Akademııanyń kýrsanttary men tilder kafedrasynyń oqytýshylary qatysyp, oı-pikirlerin ortaǵa saldy.

Sonymen qatar, dóńgelek ústel otyrysyna óńirdegi bedeldi tulǵalar, belsendi jastar men stýdentter shaqyryldy.

Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn kýrsanttar muqııat oqyp, jan-jaqty taldaý ústinde, — jastar ony yqylaspen qabyldaǵanyn atap ótý kerek.

Birneshe tildi erkin meńgergen kýrsanttar ınternet keńistigine erkin enýde jáne latyn grafıkasyn qoldanýdyń asa qıyndyq týdyrmaıtyndyǵyn ańǵaryp otyr.

«Jumyla kótergen júk jeńil», — dep dana halqymyz aıtqandaı, bárimiz birge qoldap, naqty qadammen alǵa basaıyq!

Tilder kafedrasynyń aǵa oqytýshysy

polıtsııa maıory L. Kınjebaeva.