«Көңілді старт» 22.02.2017 Академия курсанттарының ұжымын біріктіру, жеке тәрбиелік жұмыстарын күшейту мақсатында және Қазақстан полициясына 25 жылдығын мерекелеуіне байланысты Академияның іс-шаралар жоспарына сай қылмыстық, қылмыстық-атқару құқығы және криминология кафедрасымен 2017 жылдың 19 ақпанында «Көңілді старт» ойыны өткізілді. Ойындар ерлікті, өжеттілікті, батылдықты, шапшаңдықты, ептілікті, тапқырлықты, табандылықты, байсалдылықты, мінез-құлықтың ерекшеліктерімен бірге күш-қуат молдығын, білек күшін, дененің сомданып шынығуына септігін тигізеді. «Көңілді старт» ойынында тек қана қазақтың ұлттық ойындары ғана емес, сонымен қатар ұлттық ойындар қатарына қосылмаған, алайда жастардың сүйікті болып танылған ойын түрлері де енгізілген. Курсанттарда серіктестік, ұйымшылдық сезімін қалыптастыру; ойынға деген қабілеттерін дамыту, ерік-жігерін тәрбиелеу мақсатында ҚР ІІМ Шырақбек Қабылбаев атындағы Қостанай академиясының КОФ 2 курс 201-214 оқу топтары арасында ойындар: аударыспақ, арқан тартыс, көтермек, кім жүйрік, қолкүрес өткізілді. Ойынның басында кафедра оқытушылары ойын шарттары мен тәртіптерін түсіндірді. Курсанттар ұлттық ойын және қарапайым ойын түрлеріне қызығушылық танытып, белсенді қатысты. Жанды әрі қызықты ойындардың қорытындысы бойынша келесі топтар мынадай орындарға ие болды: 1 орын — «Сұңқар» командасы (207-208 оқу тобы); 2 орын — «Легион» командасы (205-206 оқу тобы); 3 орын — «Құлагер» командасы (209-210 оқу тобы). Жүлделі орын алған командалар грамоталармен және тәтті сыйлықтармен марапатталды. Іс-шара соңында, естелікке топтық суретке түсіру ұйымдастырылып, кафедра оқытушылары және қатысушылар жақсы көңілмен тарқасты. ҚҚАҚжК кафедрасының оқытушысы полиция капитаны Р. Калиярова