Жыл адамы-2016 29.12.2016 2016 жылғы 24 желтоқсан күні Қазақстан Республикасы ІІМ Шырақбек Қабылбаев атындағы Қостанай академиясының 3 курс курсанттары «Қазақстан-Қостанай» телеарнасы мен облыстық мәдениет басқармасының ұйымдастыруымен өткен «Жыл адамы-2016» атты байқауының салтанатты кешінің құрметті қонақтары болып қайтты. Байқауда жоғарыда аталған екі мекемемен тығыз қызмет атқарған жергілікті азаматтарға өз алғыстарын білдіріп, «Жыл адамы» естелік белгісін табыстады. Мақтанышпен еске алатын жайт алғаш болып былтыр телеарна ұжымы ұйымдастырған бұл байқауда бұқаралық ақпарат құралдарымен белсенді жұмыс істегені үшін ҚР ІІМ Шырақбек Қабылбаев атындағы Қостанай академиясының бастығы полиция полковнигі Мирлан Қызыловқа «Жыл адамы-2015» естелік белгісі табыс етілген болатын. Академияның курсанттар баспасөз қызметінің баспасөз хатшысы полиция қатарындағы У.Маликова