Қазақстан Республикасы Әділет органдары қызметкерлерінің күні 03.10.2016 2016 жылдың 30 қыркүйегінде Қостанай облысы Е.Өмірзақов атындағы облыстық филармониясында Қазақстан Республикасы Әділет органдары қызметкерлері күнін атап өту мақсатында мерекелік іс-шара өткізілді. Іс-шараға құқық қорғау органдарының болашақ қызметкерлері ретінде ҚР ІІМ Шырақбек Қабылбаев атындағы Қостанай академиясы КОФ 4 курстың оқуда озат курсанттары және Академия басшылығы қонаққа шақырылды. Қазақстан Республикасының әділет органдары мен ішкі істер органдарының адам және азаматтың құқықтары мен бостандықтарын қорғаудағы міндеттері мен мүдделері бір болғандықтан — бұл мереке ішкі істер органдары қызметкерлері үшін де ортақ қуаныш болып табылады. Кеш барысында Қостанай облысының әкімі Архимед Мухамбетов әділет органдарының кызметкерлерін кәсіби мерекелерімен құттықтап үздік көрінген қызметкерлерді төс белгілермен және мадақтамалармен марапаттады, кеш қонақтарына концерттік бағдарлама ұйымдастырылды. Мұндай іс-шаралар Академиямыздың курсанттарын болашақ қызметтеріне деген ынтасын арттырып, отансүйгіштікке және антына адал болуға тәрбиелейтіндігіне сенімдіміз. 401 оқу тобының кураторы полиция подполковнигі Жанар Бухметова