Академияның оқу дала лагерінде «жас жауынгерлердің курстық» оқу жаттығулары басталды 16.08.2016 Тамыздың 14-15 жұлдызында Қазақстан Республикасы ІІМ Шырақбек Қабылбаев атындағы Қостанай академиясының биылғы оқу жылына қабылданған 1-ші курстың курсанттары Академияның оқу дала лагеріне «жас жауынгерлер курсына» оқуға келді. Жас курсанттарды Академия бастығының міндетін атқарушы полиция полковнигі Ербол Төлегенұлы Қаппасов және академия басшылығы, курс басшылығы қабылдап, жас жауынгерлерге оқуда сәттілік тіледі. Салтанатты жиында сөз алған Академия бастығының міндетін атқарушы полиция полковингі Е. Қаппасов құттықтау сөз сөйлеп, барша курсанттарға 4 жыл бойы жақсы оқып, Академияның қызметтік тәртібін және жарғыларын бұзбауға шақырып, ақ тілегін білдірді. Көтеріңкі көңілмен келген курсанттар да Академияға оқуға түскендерін мақтанышпен айтып, бір-біріне құттықтаулар айтты. Енді олар орман ішінде 15 күн бойы спорттық ойындар, мәдени іс шаралармен айналысып, әскери тәртіптің қыр-сырына үйренеді. Жалпы, Академияға оқу қабылданған курсанттардың жағдайы жақсы, мезгілінде сапалы тамақтар беріліп, таза төсектеріне орналастырылды. Бұл жағдайды Ербол Төлегенұлы өз бақылауына алып, барлық жағдайды тексеріп шықты. Бізде жас курсанттардың армандаған оқу орны Академияға оқуға түскендерін құттықтай отырып, сәттілік тілейміз.