Саяси қуғын-сүргін құрбандарын еске алу күні 02.06.2016 2016 жылғы 31 мамыр күні Қостанай облысының әкімі А. Мұхамбетов және ҚР ІІМ Ш. Қабылбаев атындағы Қостанай академиясының бастығы полиция полковнигі М. Қызылов және бір топ курсанттар қала орталығындағы «Жеңіс» саябағының ішінде орналасқан «саяси қуғын-сүргін құрбандарына» арналған ескерткіш басына жиналып, бір минуттық үнсіздікпен құрбандарды еске алып, гүл шоғын қойды. «Өлі риза болмай, тірі байымас» дегендей, кейінгі ұрпаққа тәлім тәрбие беретін іс шара біздің курсанттар үшін үлкен тәрбие болды. Осыдан 19 жыл бұрын Елбасының Жарлығымен 31 мамыр – «ашаршылық және репрессия құрбандарын еске алу күні» болып бекітілді. Міне содан бері осы 31 мамыр елімізде құрбандарды еске алу күні болып аталып келеді. Бұл күні әр ұрпақ өздерінің қуғын-сүргін уақытында құрбан болған аталарын, әжелерін еске алып, құлшылық етеді.