Сыбайлас жемқорлыққа жол жоқ! 06.04.2016 2016 жылғы 4 сәуірде ҚР ІІМ Шырақбек Қабылбаев атындағы Қостанай академиясы күндізгі оқыту факультетінің 3 курс оқу топтарының кураторлары ашық кураторлық сағат өткізді. 3 курс курсанттары Қостанай облысы бойынша Сыбайлас жемқорлыққа қарсы іс-қимыл бойынша Ұлттық бюро департаменті Штаб-басқармасының аса маңызды істер жөніндегі офицері Шугумбаева Гүлжан Маратқызымен кездесті. Мемлекет басшысы Н.Ә. Назарбаевтың бес институционалдық реформаларды жүзеге асыру бойынша нақты 100 қадам — ұлттық жоспарының 13-қадамында: Жемқорлыққа қарсы күресті күшейту, сонымен бірге, жаңа заңнамалар әзірлей отырып, Мемлекеттік қызмет істері және жемқорлыққа қарсы іс-қимыл агенттігінің құрылымында жемқорлық құқық бұзушылықтың жүйелі түрде алдын алу және сауықтыру үшін жемқорлыққа қарсы арнайы бөлім құру керек деп жазылған. Гүлжан Маратқызы «Нақты 100 қадам» жоспарының негізінде 2015 жылғы 18 қарашада қабылданған «Сыбайлас жемқорлыққа қарсы іс-қимыл туралы» Заңның, «Әдеп кодексінің» құқықтық сипаттамасын, 2015-2025 жылдарға арналған Сыбайлас жемқорлыққа қарсы күрес стратегиясының маңызын түсіндірді. Сонымен қатар курсанттарға құқық қорғау органдарындағы сыбайлас жемқорлық жағдайын; сыбайлас жемқорлықты мониторингілеу және сыбайлас жемқорлық тәуекелдерін талдау; сыбайлас жемқорлыққа қарсы мәдениетті қалыптастыру; сыбайлас жемқорлыққа қарсы қарсы шектеулер мен стандарттарды қалыптастыру; қаржылық бақылау институттарының енгізілу тәртібін баяндады. Гүлжан Маратқызы Сыбайлас жемқорлыққа қарсы іс-қимыл бойынша Ұлттық бюро департаментінің жұмыс барысы жайында айтып, баяндама аяқталған соң, курсанттарға бейнесюжет көрсетілді. Оқу топтарының кураторлары: Бухметова Ж.С. Суйеубаева З.М. Пьянников В.В. Калиярова Р.Б.