«Астарлы әңгіменің тереңдігі» 04.10.2021 Қазіргі уақытта ІІО қызметкерлерінің психологиялық даярлығына аса назар аударылуда. Тіпті кәсіби дайындығы өте жақсы қызметкердің психикалық тұрғыдан — моральдық, эмоционалдық, еріктік тұрақтылығы, іс-әрекетке дайындығы әлсіз дамыған болса өз жұмысын тиімді атқара алмайды. Сондықтан қызметкерлердің кәсіби дамуында заң, физикалық және жауынгерлік сияқты психологиялық дайындығы маңызды орын алады. Академияның алғашқы кәсіби даярлық тобының 7 взвод тыңдаушыларымен Психолог мамандарын даярлау және әлеуметтік зерттеу жүргізу бойынша орталығының аға оқытушы-әдіскері, полиция майоры А.Б. Досмаилова «Астарлы әңгіменің негізі» тақырыбында тренинг өткізді. Тренингтің мақсаты — болашақ қызметкерлердің психологиялық құзыреттілігін арттыру, өзін-өзі бағалау, қандай кедергі болса да құламау, оларға нақты психологиялық мәселелерді шешуге көмектесу, тиімді жұмыс істеу үшін психологиялық маңызды қасиеттерге үйрету. Тренинг барысында тыңдаушылар берілген астарлы әңгімелерді талқылау арқылы кез-келген жағдайда дұрыс шешім қабылдауды, өздерінің эмоцияларын басқаруды, өздеріне және қоғамға пайдалы істер жасауға үйренді. А. Мұрат 7 взвод кураторы